quarta-feira, 22 de dezembro de 2010

Concerto Nadal 2010

Concerto de Nadal no IES Val do Tea, decembro 2010.
Para ver o vídeo, clica aquí abaixo...

De concerto nadal 2010

Para ver e descargar as fotos, clica na seguinte presentación:

quinta-feira, 9 de dezembro de 2010

Vídeos 1º Bacharelato Picasa 3 1ª aval

Aquí temos unha serie de vídeos realizados por @s alumn@s de 1º Bach empregando Picassa3, de tema libre, amenizados pola música dos Ruxe-Ruxe.

terça-feira, 16 de novembro de 2010

Concerto de BellónMaceiras Quinteto

Este venres 19 de novembro, concerto de BellónMaceiras Quinteto no Porriño (Bar Liceum) ás 23:30h.

Bellón Maceiras Quinteto achéganos a unha fusión entre novo folk e músicas do mundo, en que a improvisación ten un papel importante. A gaita e o acordeón, xunto co contrabaixo, guitarra, batería e saxofón ofrecen unha viaxe musical na que diversos estilos e ritmos de amálgama se complementan cunha ampla variedade de composicións propias. A fusión é o sinal de identidade de BM5, e a contribución musical de cada compoñente é a que marca o particular son do grupo. Os músicos teñen total liberdade para expresarse, ceibes de ríxidas faixas estilísticas.

Do seu gusto por mesturar nace o que eles mesmos definen como “espicho”, a introdución de partes dunha melodía coñecida dentro doutra peza. No presente disco a gaita sae da súa cuncha para interpretar tango, swing, muiñeira, blues, habanera, jazz, samba, valse francés… Non agarden escoitar un só estilo e gocen coa música.

Dani Bellón posúe un dos currículos máis importantes do mundo da música tradicional en Galicia, sendo o gaiteiro máis laureado da historia, avalado por máis de 40 premios no seu haber. Diego Maceiras comezou formando parte da Banda de Gaitas "Airiños de Fene", da que segue formando parte hoxe en día, coa que consegue varios premios, acordeonista dende os 11 anos da man de diversos profesores, forma parte de grupos como Rumbadeira, Eiravedra, Mama Cabra... Juan "Cabe", guitarrista do grupo, tamén de Fene, membro de Os Cempés, cun estilo e carácter inconfundible. Miguel Lamas é o batería do grupo, forma parte de bandas como Voodoo, Chiculate, LTCD... Juan Tinaquero é contrabaixista e compaxina a súa labor de actor de dobraxe coa música, formando parte dos Bluesmakers dende hai 15 anos.

www.myspace.com/ bellonmaceiras

www.bellonmaceiras.com

domingo, 31 de outubro de 2010

Non saímos do lixo: A fin

NON SAÍMOS DO LIXO cap. 6 "A fin" from komunikando tv on Vimeo.

quarta-feira, 22 de setembro de 2010

Concurso de gaitas de Ponteareas, (Grazas a Malmequer)

Resultados do Concurso de Gaitas de Ponteareas

O concurso de gaitas de Ponteareas, un dos máis antigos de Galicia, outorgou o seu primeiro premio o pasado fin de semana ao grupo Rédea Solta, de Poio. O cuarteto, composto polos músicos Pablo Devigo, Óscar Ibañez, Ramón Corral e Marcos Pérez, logrou 1.800 euros.

O segundo clasificado foi Canle Dada, de Nigrán, que logrou 1.200.

Os posto terceiro e cuarto, con 900 e 600 euros respectivamente de premio, foron para os grupos Rebuldeiros, da Coruña, e Picuiña, de Marín.

Ademais, o festival deste ano, cando se cumpren 43, tamén outorgou un quinto premio consistente nun lote de material musical doado pola empresa Bannatyne Pipe Bags, que recaeu sobre o grupo Miañadura, de Madrid.

Houbo máis sorpresas ao longo da tarde, posto que o Concello de Ponteareas tamén lle concedeu un diploma a título póstumo a Constante Pérez Bermúdez, gaiteiro coñecido da parroquia de Prado, que logrou o primeiro posto no concurso de 1947. A súa familia presentou o diploma que aínda conserva, que pasou ao Museo municipal de Ponteareas.

RÉDEA SOLTA.

CANLE DADA

PICUIÑA

MIAÑADURA

OS TREBELLOS DO MORRAZO

FOL DE COIRO

Ruxe-Ruxe, descarga de balde o último

Descarga de balde o último dos RUXE en www.ruxeruxe.com

WARNING…

NA FURA DE DIANTE son quince latexos de corazón vello e consumido. Quince dentadas de animais fóra ialma, de cans doentes e vencidos, de decepcións e liortas. NA FURA DE DIANTE é un oceano terrible no que tí e máis eu loitamos por continuar a ser peixes …

TAS AVISAD@…

Primeiro videoclip extraído do 7º disco de Ruxe-Ruxe "Na fura de diante", realizado co tema Buratos.

Hora: Venres ás 21:30 - Sábado ás 1:00

Lugar: Sala Infierno .Colón, 37 interior. Vigo

Ruxe - Ruxe
Moz@s!!! que voltamos a Vigo, e non volo podedes perder!!! Tocaremos con Skandalo GZ (http://www.myspace.com/skandalogz) na nova sala "El Infierno" (antigo Remache, rúa Colón 37)

Feeeeeeeeeeeeeeeeeeeeesta!!!!

Subida a Vigo 2010

Vídeo realizado por ouVracing |

Red Bull Autos Locos Vigo 19 sep 2010

Vídeo da carreira, realizado por xaimepacheco.

Vehículos nos boxes, antes da competición. Vídeo feito por futaxi

segunda-feira, 20 de setembro de 2010

Mecanografía

Nesta ligazón vas atopar un curso completo de mecanografía con exercicios e exames.

Podes descargar unha versión portable (non necesita instalación e podes executala dende calquera PC ou memoria USB).

Unha vez descargada clicando na seguinte ligazón só tés que gardala no teu PC e clicar nela para comezar a escribir.

Tu curso de mecanografía v6.6.5.5

sexta-feira, 17 de setembro de 2010

Tecnoloxía 4º ESO PDC

Nesta 1ª avaliación estudaremos dous bloques da materia de Tecnoloxía en 4º de ESO: as instalacións en vivendas e electrónica analóxica, divididos cada un deles en oito temas.

Clicando nesta ligazón dispoñedes dos arquivos necesarios, tanto a teoría como os exames correspondentes.
Os libros dixitais están nesta ligazón de tecno12-18, donde entraremos nos bloques correspondentes (cada alumno ca súa clave), realizando a versión dinámica:

Cada tema inclúe unhas preguntas que hai que contestar ben para poder seguir adiante. Os resultados destas preguntas determinan a 1ª nota, que hai que facer na aula de informática.
A 2ª nota se corresponderá co exame escrito correspondente.
A 3ª nota se corresponde ca práctica correspondente no obradoiro.

En caso de suspender algún dos dous bloques (instalacións en vivendas ou electrónica analóxica) a recuperación consistirá en realizar o test global que aparece na páxina de tecno12-18.

sexta-feira, 3 de setembro de 2010

Noitarega:Xosé Oliveira, Telmo Costas, Fernando Costas, Manuel Alonso e Xosé María Gutiérrez

Falar de Noitarega non é falar dun grupo novo, é falar dunha banda lendaria dentro do panorama da música tradicional galega que soubo gañarse a pulso o respecto e cariño do público. Pasou xa moito tempo dende aquel ano 1989 no que Xosé Oliveira, Fernando Costas e Xosé María Gutiérrez fundaron o grupo resistindo ao paso do tempo dun xeito máis que digno. Precisamente, para conmemorar os seus 21 anos de existencia, Noitarega ofrécennos “XXI”, un disco gravado nos Estudios Muu de Vigo baixo a produción de Pedro Feijoó e do mesmo grupo que, fiel ao seu estilo, nos amosa a clara evolución da banda e que conta cunhas colaboracións de luxo: Anxo Pintos (Berrogüetto), Ernesto Campos, Xaime Estévez (Os Terribles de Donas) ou Luís “O Caruncho”, entre outros.

Ao longo destes anos Noitarega foi colleitando numerosos premios, como os do Concurso Folclórico “Sementeira” de Cambre ou o Concurso de Gaitas de Ponteareas, ofrecendo innumerables actuacións tanto por toda a xeografía galega e española (Auditorio Caixanova de Vigo, Festival Internacional de Mérida, Expo 92 de Sevilla, Casa de Galicia de Madrid, Palau de Congressos de Montjüic de Barcelona, etc.), coma en Francia (Burdeos), Portugal (Lisboa) ou mesmo nos Estados Unidos (Nova York, Nova Jersey ou Connecticut), compartindo escenario con artistas da talla de Berrogüetto, Luar na lubre, Xosé Manuel Budiño ou Susana Seivane, e consolidándose como un dos maiores expoñentes da música tradicional galega e como un embaixador da cultura galega por todo o mundo.

Musicalmente falando, tanto os concertos como os traballos discográficos do grupo veñen ser un fito no que respecta a unha nova interpretación da música tradicional galega, xunguindo o sabor do tradicional con novas e rechamantes opcións instrumentais e interpretativas, todo isto conseguido cunha base instrumental netamente autóctona (gaita, zanfona, tamboril, bombo, pito pastoril, requinta, tarrañolas, culleres, pandeireta, ferriño, pandeiro, etc.) máis realizando uns arranxos totalmente anovadores, como a combinación de gaitas en diferentes tons, zanfona con pito e requinta ou misturas de diferentes aparellos percusivos.

Podes ver o vídeo do seu tema Muiñeiras

Para descargar este vídeo en formato 3gp e levalo no teu móbil, clica aquí

Máis información: http://www.myspace.com/noitarega#ixzz0yS8SH87v.

Agradecer a colaboración de Xosé Oliveira, músico e mestre de músicos, un dos gaiteiros que nos fixeron namorar da música hai anos (uns pouquiños...), e agradecer tamén a Noitarega o pracer que nos proporciona comprobar que hai cousas que nunca cambian, como a música tradicional tocada co agarimo con que o facedes vos.

segunda-feira, 14 de junho de 2010

Bellón Maceiras- Novo Disco- Folk Fusión

O proxecto BellónMaceiras Quinteto nace no ano 2005, a partir da unión musical do gaiteiro Daniel Bellón e o acordeonista Diego Maceiras. O seu profundo coñecemento da música tradicional galega, xunto ás súas inquedanzas artísticas e o gusto polas músicas doutros países fan que desde o principio este dúo fusione sen medo ritmos e melodías de distintos lugares, facendo música do mundo desde Galiza. A banda está formada por Daniel Bellón (Gaita, Saxo), Diego Maceiras (Acordeón, Acordina) Juan Cabe (Guitarra) Juan Tinaquero (Bajo) y Miguel Lamas (Batería). Benvidos ó Folk Fusión! BM5 achéganos a un novo estilo musical moi orixinal, cunha fusión entre o novo folk, diversas músicas tradicionais e o jazz. A gaita e o acordeón acompáñanse do contrabaixo, guitarra, batería e saxofón para ofrecer unha viaxe polo mundo de 90 minutos de duración a través de melodías galegas, ritmos peninsulares, balcánicos, tangos, valses franceses e un amplo surtido de composicións propias.

quarta-feira, 2 de junho de 2010

46 Rallye Rias Baixas. Fotos de Nacho

quarta-feira, 19 de maio de 2010

Día das Letras Galegas 2010

17 de maio 2010
Día das Letras Galegas, adicado a Uxío Novoneyra, o poeta do Courel.

Aquí tedes un vídeo, feito con fotografías de algunhas das actividades feitas ese día:obradoiro de instrumentos tradicionais, karaoke, actuacións, partido de fútbol, obradoiro de hip-hop con García MC....
A música do vídeo é o tema Licor café, do grupo Lamatumbá.

De videos

Si queres descargar as fotos, clicando nesta presentación entras no álbum web donde están aloxadas.

quinta-feira, 22 de abril de 2010

Muiñeira de Pontesampaio (Versión Bellón Maceiras) e Muiñeira de Pontillón

Clicando no vídeo poderedes ver unha introducción a Muiñeira, feita para que os participantes no Proxecto Comenius 2008-2010 (Polonia, Turquía, Italia...) coñezan un pouco as nosas danzas tradicionais. O tema que podedes escoitar é parte da versión realizada por BellónMaceiras da Muiñeira de Pontesampaio.

De Ies Val do Tea Proxecto Comenius

Pasamos da teoría á práctica para ver a Muiñeira de Montillón.

De ProxectoComenius

Muiñeira de Chantada

Avelino Cachafeiro.

Texto: Wikipedia.

Avelino Cachafeiro Bugallo, O Gaiteiro de Soutelo, nado en Soutelo de Montes o 26 de maio de 1899 e finado o 13 de abril de 1972, foi un gaiteiro galego.

Traxectoria

De familia de gaiteiros da Terra de Montes, aprendeu do seu avó Xan e tocaba polas carballeiras encanto coidaba do gando. O seu pai, Fermín, regaloulle as súas propias gaitas, deixándoas para dedicarse só ao bombo. Formou o grupo de gaiteiros Os Gaiteiros de Soutelo cos seus irmáns Castor (gaita) e Bautista (voz e caixa), o seu pai Fermín (bombo) e a súa tía Andrea, que algunhas veces se axuntaba a eles para tocar o pandeiro. No grupo Avelino era o símbolo, o director, o compositor; nunha palabra, a alma do grupo.

Con só 25 anos foi proclamado o mellor gaiteiro de Galicia no concurso celebrado en Santiago en 1924 (a parte literaria gañouna Eladio Rodríguez González). En 1928 gravaron a "Muiñeira de Chantada", a "Alborada de Rosalía", a "muiñeira de Pontesampaio", "Fandango de Pontevedra", "Marcha do Corpus", "Viva Barriño de Arén", "Heicho de dar queridiña", "Foliada de Luxán", "Foliada Rianxeira", "Estróupele-Estróupele", "Farruquiña chaman á porta", a "Muiñeira de Ourense" e o pasacorredoira "A volta da festa".

Xiras e retirada

Xunto cos seus irmáns Castor e Bautista, Os Gaiteiros de Soutelo, percorreu toda Galicia, así como Bos Aires, Montevideo, Brasil ou Barcelona ata que o comezo da Guerra Civil esfarelou o grupo: A Guerra Civil española Cultural Obreira levounos a Madrid para dar ánimos ás tropas que alí loitaban, e cando se dirixían a Berlín para tocar nos Xogos Olímpicos, decidiron voltar á casa por Lisboa. Así rematou o grupo. sorprendeunos tocando en Barcelona, en territorio republicano, mentres Galiza quedaba no nacional.

Nunca máis tocou en público, o que fixo medrar aínda máis a súa lenda. Dedicouse á poesía, a pintura e á súa faceta empresarial (unha sala de festas e unha gasolineira).

Outros labores

En 1969 publicou o libro de poemas, Voando coas aas da vida, con prólogo de Ramón Otero Pedrayo. Foi o valedor da "Muiñeira de Chantada", no seu labor de recuperación da música tradicional.

De Ies Val do Tea Proxecto Comenius

terça-feira, 6 de abril de 2010

Malmequer

Malmequer (ou Margarida) é o nome popular común a unha grande variedade de prantas e flores.

Mal me quer, ben me quer, mal me quer, ben me quer... o vello xogo do amor e o desamor.

Malmequer é un grupo de xentiña que disfruta da festa, da esmorga, das foliadas, dos seráns, da música e baile tradicional, cun común denominador de amor pola nosa cultura tradicional.

Clica aquí para entrar na sua web

Komunikando

Komunikando é un punto de encontro na música galega non subvencionada.

Durante moito tempo, a música galega simbolizou esa imaxe tradicionalista e ancorada no pasado.

Galiza, a súa xente, é rica en moitos aspectos e na música máis se cadra. Aquí cultívanse todas esas vertentes musicais que alimentan o mundo discográfico internacional.

Clica aquí para entrar na sua web

sexta-feira, 2 de abril de 2010

ANXO LORENZO & XOSE LIZ - LIVE AT CELTIC CONNECTIONS 2008

terça-feira, 2 de março de 2010

Web 2.0 e Redes Sociais XEOLOCALIZACIÓN E XEORREFERENCIACIÓN

Curso 2009-2010

Aquí temos uns vídeos nos que os alumnos de 1º Bach tentan explicar algúns conceptos da Web 2.0 e as Redes Sociais (menos mal que xa sabíamos o que eran...).

Nesta entrada do blogue hai vídeos sobre xeolocalización e xeoreferenciación.

Susana Fernández.

De videos web 2.0

Miguel González: se adicara tanto tempo a estudar como a música, sería como mínimo notario. Pero como non é así, contamos cun gran músico.

De videos web 2.0

Aquí está a proba de que é un gran músico

Adrián Chamorro: algunhas veces traballa, sobre todo si está dentro da aula, feito pouco común. Para definir a súa personalidade: parar o vídeo ó principio, arrastrar o cursor e deixalo na primeira imaxe.

De videos web 2.0

Cristian Do Carmo: faremos un vídeo mais curto ou colleremos unha canción mais longa (foi culpa do Picasa, non de Cristian).

De videos web 2.0

Web 2.0 e Redes Sociais RSS

Nesta entrada do blogue hai vídeos sobre RSS .

Youyi Liu: revisar vídeo, falta debuxo da cara.

David Rodríguez: non se entende moi ben qué é RSS, pero explica duas ideas profundas: nas mans hai dedos e hai un señor mudo en Internet que as move moito.

De videos web 2.0

Rubén Alfaya Fernández: este vai doutro señor, que non ten mans, pero comenza a escribir en castelán e remata en inglés. Se non te enteraches tampouco do que é o RSS, disfruta da música polo menos.