Sotavento

Parque Eólico Experimental Sotavento.
Clicando na imaxe podes acceder a sua páxina web.

Tipo de Actividades:

• Visitas guiadas, tanto polo parque (visita ós aeroxeradores, Ruta das Pedras, Ruta do Vento e mámoas) coma polo interior das instalacións (paneis explicativos, maquetas, enerxías renovables e solar, pila de combustible, Sala de Eficiencia Enerxética e sala de control).
• Desenvolvemento de clases, tanto divulgativas coma técnicas, en relación coas distintas enerxías.
• Proxección de vídeos técnico-divulgativos sobre as enerxías renovables e a eficiencia enerxética.
• Para alumnos de primaria, secundaria, e F.P. realización de obradoiros lúdico-técnicos, así como a realización de diferentes xogos interiores ou exteriores dependendo das condicións meteorolóxicas.
• Posibilidade de que os propios profesores impartan clases no auditorio, que se complementarían cunha visita práctica ás instalacións.

Acceso ás diversas aplicacións gráficas e interactivas, que permiten explorar aspectos relacionados coas Enerxías Renovables e coa Eficiencia Enerxética.

• Aforro no uso da iluminación

• Con esta aplicación podes comparar distintos parámetros eléctricos dos principais sistemas de iluminación. Ademais, permite calcular o aforro económico e medioambiental ao cambiar lámpadas convencionais por lámpadas máis eficientes, e extrapolar estes datos a nivel galego e español. [Entrar]

• Consumo en espera e oculto no fogar

  A través desta aplicación comprobarás o consumo oculto e en espera de distintos aparatos domésticos. Ademais, poderás calcular o gasto económico e as consecuencias ambientais que supoñen estes consumos na túa vida cotiá e extrapolalos a nivel galego e español. [Entrar]